1-6-2005(Wed)05年 6 月
......
1-6-2005(Wed)
學生鍾意個壁佈，可惜學校唔喜歡...明白o既....始終只係將ｄ相釘上去，的確唔夠 Pro...唔似一個壁佈....
今日比個學生鬧....一個我平日都幾疼愛o既學生，因為佢上堂玩風扇，屢勸不改，比我沒收，仲要大聲夾惡....唉.....
無啦啦比人鬧未算心痛，心痛係，呢個係我錫o既學生.....雖然明知佢唔係有心，但 hurt 就係 hurt....
學生係細路仔佢發脾氣你唔可以同佢一樣咁氣忿，但我都係細路女o者...
最近壓力太大，今日又唔記得帶電話，竟然傻到o係西鐵入＄打比阿恒，正傻瓜 :p
有個人比自己依賴下，係幸福o既 ^v^
趕路往 City 上堂，心甜了很多 ^v^
Dear All,
今日要同大家上中文課，請大家估o下下面o既七言律詩係出自何人 ?
功成十架血半溪, 百丈恩流分自西。
身列四衙半夜路, 徒方三背兩番雞。
五千鞭撻寸膚裂, 六尺懸垂二盜齊。
慘慟八垓驚九品, 七言一畢萬靈啼。
其實呢首七言律詩係康熙皇帝o既佳作《基督死》
清朝康熙皇帝（1654－1722）為了紀念耶穌基督被釘死十架上, 曾寫了一首膾炙人口的七言律詩,
名曰《基督死》, 人稱《康熙十字歌》, 這是一篇體會基督受難即景的佳作。
它告訴我們, 康熙皇帝曾熟讀四福音書, 他非常瞭解耶穌被釘前夕受審經過;承認十字架之血是“百丈恩流”,
特別領受耶穌在十架上說的話, 故有“七言一畢萬靈啼”的感述。
從康熙o既七言律詩當中，顯出左佢對基督o既認識
雖然我地 d 七言律詩冇康熙寫得咁好，
但係我地有冇一 d 能夠讓別人能認出我地係基督徒o既地方呢 ?
2-6-2005(Thur)
呵呵呵，今日 super 累，7:00pm 返到屋企即訓著，一訓訓到大天光，第二日五點幾先起身沖涼返工，呵呵呵，精神哂 ^v^
3-6-2005(Fri)
今日學校發生了『血案』....因課室門而夾傷(梗包括少少爭執...)，雖然我唔識ｄ學生，但都會心傷....如果將來發生o係我教o既學生身上，我會傷心都咩地步？
到底係『年少無知』，定『衝動行先』？
成日講唔開心事，講下開心事先 ^v^
今日 Lunch 英文系同工同 Rose 慶祝生日，＠English Corner 開 Party，大家傾下計，食下野，好開心 ^v^
對老師黎講，可以安安樂樂食餐飯，已經好開心架啦 ^v^
同工話：『有ｄ新老師冇得續約，你地(我 and Joyce)可以續約已經好感恩架啦 ^v^』
的確，CBT 的同工，值一百零一分，如果真係離開，一定好不捨.....
仍在這裡，便要珍惜 ^v^
今日係做壁佈 deadline (其實 dead 左十世，只係全校只有我地班未做 >_<)，陪班學生做，傾計時，佢地話下年希望我再教佢地∼∼你班野，平日又唔見你地對我好ｄ！不過聽左都感動架....
我好易氹，一句說話可以令我開心好耐 ^v^
4-6-2005(Sat)
今日 CBT 畢業禮，上晝去拎特區護照，下晝 on duty∼∼
上晝突然下傾盆大雨，我無遮，但趕時間，全身濕，阿恒拎住把遮黎接我...冒雨去買紙巾...同埋比左把遮我上車佢自己淋雨返屋企...
原來，電視o既場面真係會出現o係現實生活中架.....
自己咁幸福，咁多人錫，仲成日自怨自艾，真係好唔應該....
CBT 畢業禮，唔算太忙，反而因已回校，便努力工作至 7:45pm，反而可以清左少少工作 ^v^
感恩 ^v^
今日簽左約，因為我仍銘記 Winnie 一番話：『唔係諗自己想去邊度，而係邊度需要你！』
或者，我唔係一個好出色o既老師，不過，o係 CBT，我仍然算係一個有用o既老師 ^v^
各位親愛o既朋友仔/朋友女 ^v^
我同阿恒之間，其實一直都有『第三者』...
呢位『第三者』，令到我地兩個o既關係起左大變化...
我諗，大家都估到呢位『第三者』係邊個啦！
hehe，以前都提過『神的兒女』o既三角，
即男與女各自同 神關係近ｄ，男女兩人o既關係都會近ｄ^v^
神
／ ＼
／ ＼
男－－－－－女
不經不覺同阿恒拍拖都一年十個月，
兩個截然不同類型o既人走在一起，梗會有好多意見不同o既地方，
不過，靠著呢位『第三者』，我地學懂左一個好重要o既道理：
『最要緊的是彼此切實相愛，因為愛能遮掩許多的罪。
你們要互相款待，不發怨言。』(彼得前書4:8-9)
And most of all be warm in your love for one another;
because in love there is forgiveness for sins without number:
Keep open house for all with a glad heart; (1 Peter 4:8-9)
無論係對待情人、家人、朋友，甚至一個陌生人，
若你心裡想著這位 神，我肯定，你的心會被『愛』所充滿，
已沒有空隙放下『怨恨』、『妒忌』、『驕傲』等負面的想法了^v^
祝大家在每一段關係中也有這位第三者在你們中間^v^
5-6-2005(Sun)
阿恒就快生日(10/6)，今日係買禮物日 ^v^
買禮物比自己喜歡o既人，又諗到佢想要咩，所以好幸福 ^v^
哈哈哈，會覺得人生有返ｄ意義架 :p
其實我都唔明點解情侶會用一對對o既野咁老土，不過，哈哈哈，或者拍拖從來都係一件老土事 :p
今日阿恒送左部 MP3 機比我，佢自己又買左一部，以後返工唔駛咁悶 lu ^v^
雖然佢買比我妹妹果部粉紅色好靚，不過，都係自己果部好ｄ :p
明天畢業禮後補假，super 開心，plan 聽日去邊度玩 ^v^
6-6-2005(Mon)
關小朋友將部 MP3 機一半o既位置入滿兒歌，童心未泯乎 :p
今日我地『港島一日遊』，拍拖快兩年，我地絕少遊港島架！(呵呵呵，實情係，無論香港九龍新界，除返教會外，絕少出街 :p)
今日去數碼港睇『星際快閃黨』，仲有 20 分鐘開場都只得我地兩個買飛，滿以為 $70 包場咁型，點知瞬間多左幾班人黎睇戲，最離譜係全戲院咁大唔揀揀我同阿恒隔籬?!?!?!點解..........
我從未睇過咁差o既一套戲，講起真係想死.....簡直有英明盡喪o既感覺.....
睇完『戲』，去左中環傳統風味餐廳 + 斜路邊糖水舖，同場加演食環署人員同負責人講咁樣擺枱(即係地坐緊果度 :p)係非法∼∼
去左香港動植物公園，又去埋捐血，再約埋阿囡一齊去意大利餐廳 dinner + 麥記雪糕，很充實的一天 ^v^
各位親愛o既朋友仔/朋友女 ^v^
剛剛o係早會負責監管學生行為，
好怕做呢類工作，因為總係要責罰學生...
有個學生o係早會祈禱時不停傾計，
我望住佢佢都睇唔到，
結果，我叫班長記左佢名...
結果，當然係被惡言相向...
或者我太容易為小事唔開心，
但，見到學生被罰，
我唔見得比佢地開心...
心情差，但找到一首令人平和的詩歌。
http://hk.geocities.com/hodgesko01/chinesehymn126.html
《讚美之泉》
從天父而來的愛和恩典
把我們冰冷的心溶解
讓我們獻出每個音符
把它化為讚美之泉
讓我們張開口 舉起手
向永生之主稱謝
使讚美之泉流入
每個人的心間
喜歡音樂讓人平靜的感覺...
神給我們嘴唇，不是用來互相咒罵，說傷害人的言語，
而是用來安慰，用來讚美，用來歌頌！
那雙手，不是用來打鬥，做不當的事，
而是用來努力工作，溫暖別人，服待別人，舉手稱謝 神。
縱然很多人未能明白 神給我們身體各部份的意義，
但願我們多多為別人及自己祈禱，
讓我們有智慧，懂得善用自己的身體，做合宜的事。
因為你們是重價買來的，
所以要在你們的身子上榮耀 神(歌林多前書6:20)
You were bought at a price.
Therefore honor God with your body.
7-6-2005(Tue)
難度昨天玩得太開心，身體一時接受不了，所以作病？
唔好呀，阿恒星期五生日啦....
8-6-2005(Wed)
病情惡化，又咳又變聲....逃學(City 咋，唔係 CBT :p)
睇埋醫生 + 狂訓....唔想病呀.....
Dear All,
馬丁路德曾經講過 :
在對待人方面，上帝的辦法和魔鬼的辦法極不相同，恰恰相反。
上帝的辦法是在開始時，使人懼怕，以後就把他扶持起來，給他安慰。
這個辦法使肉體和舊人消滅，使屬靈的新人活著。
魔鬼的辦法卻是先使人感覺安全大膽，叫他們既沒有畏懼，就犯罪起來，
以沉迷在罪中為樂，自以為事事順利；可是一旦伸腳先生來臨，魔鬼就來恐嚇他們，
使他們懼怕得無以復加，不是大感悲哀而死，就是至終沒有一點安慰，絲毫得不到上帝的恩典和慈悲。
看看每一天你所走過的路
是憂愁地還是滿有喜樂地過每一天呢 ?
9-6-2005(Thur)
勁病，但近考試，唔想請假.....
雖然有老師話比我知：臨考試前同佢地狂溫都無用架，無乜分別架。
做好自己，才是最重要的，那管學生怎樣想 ^v^
10-6-2005(Fri)
終於等到阿恒生日啦！Happy Birthday ^v^
今年買o既禮物係實用型，哈哈哈，阿恒都有ｄ surprised ^v^ 我梗體貼知道佢o既需要啦 ^v^
病重...第一堂 free lesson 得校長准許去睇醫生，最叻係等候期間改左 7 本作文簿！叻 ^v^
少少燒 + 氣管問題，hehe，返去教完 Form 1 and Form 3 就請左半日假，yeah！
休息，係最好o既良藥 ^v^
閒居，哈哈哈 ^v^
11-6-2005(Sat)
Mr & Mrs Smith 好好睇，雖然係有少少無啦啦，但又幾好睇喎 :p
因為下晝請病假，校長今日打電話黎慰問我 ^v^ 所以我成日都話校長係好人 ^v^ 學生其實唔清楚校長幾錫佢地o者....
今日家庭聚會，o係阿棟屋企，我鍾意家庭聚會o既感覺，又可以 relax 一下 ^v^
之後，團契仲同阿恒慶祝生日，好攪笑，完全係『中式生日宴』，有碗仔翅、义燒燒肉、白切雞、揚州炒飯、干燒伊麵、什菜、蒸魚，仲有壽包添 ^v^
今晚都幾開心 ^v^
各位親愛o既朋友仔/朋友女 ^v^
又遲左出有金執，真係唔好意思，
因為最近病左，又趕住學校考試ｄ野，
結果，咪又遲出有金執囉∼∼
話時話丫，做人，真係好忙架...
之前收到阿思o既email，有個好有趣o既動畫，
關於『人生』o既，大家可以 look look ^v^
http://www.geidai.ac.jp/~de14137/eizo/movie/run.wmv
到底人生咁奔波勞碌為乜？
為錢？為名利？或是單純地為左『有總比冇好』？
有時都會覺得自己係為左追而追，為左做而做，
但無乜時間問下自己『點解要做？』
讀書勤力ｄ為左將來搵份好工，
搵份好工為左將來賺多ｄ錢，
賺多ｄ錢為左將來生活無憂，
但係，讀書 = 搵到份好工 = 賺到多ｄ錢 = 生活無憂 = 幸福快樂？
賠上了健康、家人、時間、青春，
也找不著『我每天也很忙』的意義...
大衛王寫了很多詩，當中有一首來自詩篇的，是這樣的：
耶和華阿，求你叫我曉得我身之終，
我的壽數幾何，叫我知道我的生命不長。
你使我的年日，窄如手掌。我一生的年數，在你面前，如同無有。
各人最穩妥的時候，真是全然虛幻。〔細拉〕
世人行動實係幻影。他們忙亂，真是枉然。
積蓄財寶，不知將來有誰收取。
主阿，如今我等甚麼呢。我的指望在乎你。
求你救我脫離一切的過犯。不要使我受愚頑人的羞辱。(詩篇 39:4-8)
Lord, give me knowledge of my end, and of the measure of my days,
so that I may see how feeble I am.
You have made my days no longer than a hand's measure;
and my years are nothing in your eyes;
truly, every man is but a breath. (Selah.)
Truly, every man goes on his way like an image;
he is troubled for no purpose:
he makes a great store of wealth,
and has no knowledge of who will get it.
And now, Lord, what am I waiting for? my hope is in you.
Make me free from all my sins;
do not let me be shamed by the man of evil behaviour. (Palsm 39:4-8)
周星馳o係少林足球話：『如果無理(夢)想，咁同條咸魚有咩分別？』
的確，人生唔係得過且過，無追求、懶懶閒，
只是，我地的確要聰明ｄ，搵ｄ值得追求o既野去追求。
要追求o既野唔需要多，只要是最好的，一樣，便已足夠了 ^v^
12-6-2005(Sun)
hehe，我好返，不過阿恒病左 :p
聽日就係最後一日教學日啦.....之後就考試啦！心情，應該可以鬆一鬆啦 ^v^
13-6-2005(Mon)
Joyce 話：『我地終於都有今日啦！』
hehe，今日最後一日教學，之後應該輕鬆好多啦 ^v^
今日所有 Form 都有教，是開心的一天。或者，已經係最後一日，你唔會好著緊(唔係放縱，只係無咁緊張∼)
同埋今日叫 Form 2 班學生一人寫一張紙仔比我，當然有人寫得頹啦！但總括黎講，都幾令人感動架....^v^
各位親愛o既朋友仔/朋友女 ^v^
感謝 神！
基本上，我係一個幸福快樂o既人 ^v^
雖然我都有唔開心o既時候，
不過總括黎講，我都算開心 ^v^
但始終我係人，
總有傷心失意、徬徨無助，覺得無人可以幫到我o既時候...
那時候，我也會渴望有一位『某君』出現幫助我、開解我...
有首詩歌叫『尋找』，係國語歌 ^v^
http://hk.geocities.com/hodgesko01/chinesehymn164.html
《尋找》
我曾經像一隻小小飛鳥 飛躍在這藍天海上
我無時無刻 徬徨無助 找不到可以傾訴
我曾經像一隻小小飛鳥 穿梭在這城市之中
我正在尋找 那慈愛雙手 那就是主耶穌
副歌：
主啊！我要回到您身旁 我要回到您身旁
那慈愛雙手 正等著我 來擁抱我
主啊！我要回到您身旁 我要回到您身旁
那慈愛雙手 來擁抱我 那就是主耶穌
我喜歡副歌說：『我要回到你身旁』，
而不是『你要來到我身旁』∼
原來， 神是一直在等我們，並不用我們呼求祂來找我們。
的確我們像飛鳥，到處飛，不願停下來，
但其實一片美麗的樂土正等候著我們，
只是我們不願相信我們能夠找到這麼好的一片安居之地而已∼
若你並未相信有這樣的一片樂土，不要緊，
請你暫時把這首歌放在心裡，
若有一天你真的累了，無力再飛，
試著哼哼這首歌，或許，有更好的事會發生在你身上呢 ^v^
你可以繼續飛，但累了的話，緊記找個好地方休息一下。
14-6-2005(Tue)
今日係學科測驗，我地只係監堂，easy ^v^
下晝英文系一齊食 lunch，好開心。
四點放學後同 Joyce 去左方 Sir 屋企食飯，佢囡囡好得意，一歲半已經勁叻，識得好多生果o既中英文名，又睇數字中英文，所以方 Sir 話：『學野根本唔難』，不過，梗要有方 Sir + 方太花時間心機去教，先會有咁 Smart o既囡囡啦 ^v^
我諗，我要學方 Sir 咁，買定ｄ果果書比千穎學野啦 ^v^
15-6-2005(Wed)
考試開始，滿以為超級輕鬆，尤其今日唔駛監堂。豈知，整 15 分鐘o既 listening tape 竟然由上晝八點整到下晝三點都未整好！真係萬萬估唔到....>_<
有ｄ野，真係自己唔親身做過唔知有幾辛苦架！
不過學到野，都幾開心 ^v^
各位親愛o既朋友仔/朋友女 ^v^
一星期咁多日之中，我最鍾意星期六、日，因為係假期嘛 ^v^
而星期日，對基督徒黎講，就更加有意義！
到底點解ｄ基督徒o係唯一一日可以訓到『黃朝百晏』o既日子晨早爬起身？
到底幾時開始有安息日？
到底 神係咪因為『早睡早起身體好而設立安息日？
不如我地今次就睇下『安息日』啦 ^v^
一.安息日在歷史上的經過
安息日在創世之時設立，「 神賜福給第七日，定為聖日，因為這日神歇了祂一切創造的工，就安息了。」（創二3）。 神造萬物的工，是於六日之間完成，就定「第七日」為「聖日」，為「安息日」，並且「賜福」給此日，這是安息日的由來（創 二1、2；出廿8∼11）。
二. 神設立安息日的目的
主耶穌說：「安息日是為人設立的。」（可二27）。可見安息日的設立，目的是要使人得著益處。 神設立安息日，目的是：
1. 使人記念神是造物主：安息日是 神造萬物完成的記念日。 神定此日，要使人知道耶和華是造物主，免得忘記神恩，或受迷去拜假神，自食苦果
2. 使人得享身心的安息： 神說：「六日你要作工，第七日要安息，使牛、驢可以歇息，並使你婢女的兒子和寄居的都可舒暢。」（出廿三12）。聖經指示說：「創造地極的主，並不疲乏，也不困倦。」（賽四十28）。 神不需要休息，祂定了安息日是出於祂愛世人的心腸，要使祂所造的，不但是自主的，也要使為奴的和牲畜都得到舒暢。這日的需要，開始於亞當之時，因他有「修理看守」（創二15）、並治理全地的責任（創一28）。故神在創世之時就設立此日，要叫亞當享受。此日是神賜福之日，記念的人絕不會因停止工作而生活發生困難（參看：出十六29）。
3. 使人記念 神的救恩：「你也要記念你在埃及地作過奴僕，耶和華你神用大能的手，和伸出來的膀臂，將你從那裏領出來，因此耶和華你的神吩咐你守安息日。」（申五15）。人很容易忘記 神的愛，所以神要以色列人於安息日特別集會，記念 神救他們脫離埃及的恩典。新約時代的選民，更當在此日記念主耶穌流血贖罪的大恩。
4. 使人知道 神是叫人成聖的：「又將我的安息日賜給他們，好在我與他們中間為證據，使他們知道，我耶和華是叫他們成聖的。」（結廿12）。安息日是 神賜的，在領受的人是一種恩典。 神在創世之時，賜福給第七日，且「定為聖日」，使其與一般的日子不同。要百姓將此日「分別為聖」不作俗事，聚集受教，與 神靈交，追求聖靈，因人非聖潔，不能見主。並且叫人知道只有真神才能叫人成聖。
5. 使人仰望天國的安息：第七日的安息，深具「預表性」。預表 神完成救贖工作之後，要使祂的子民得享天國的永遠永息。聖經明說：「這樣看來，就有一個安息日式的安息，為 神的子民保留著了。因為進入 神之安息的人，就歇了他的工而安息了。」。這世間並無安息之地，只有主耶穌能使我們得安息。我們既得應許能進入祂的安息，就當在世謹守聖日，並仰望救主再臨，帶進永遠安息。
的確，有人(甚至那些自稱為基督徒的『基督徒』)視守安息日為『剝削僅有o既假期』，但真正屬 神o既人從守安息日中o既得著，卻又是這些人所無法領略得到的。
下次我地再傾下『信徒係咪可以唔駛守安息日』、『基督與安息日』同埋『應該點樣紀念安息聖日』丫 ^v^
16-6-2005(Thur)
明天 City 測驗，雖然又病左(的確要用個『又』字....或者係病未清....)，但仍要努力溫書！
17-6-2005(Fri)
學生問：『Ms Lam，你又病呀....』
我都唔想，但有咩良方妙藥？
18-6-2005(Sat)
休息日 + 改卷日。
明天父親節。
各位親愛o既朋友仔/朋友女 ^v^
最近我條氣真係唔多順！
哈哈哈，當你睇到呢段說話，
會唔會覺得我好粗俗，而且好氣憤呢？^v^
其實，我只係想話我最近氣管敏感，會不停咳o者 :p
人與人之間真係好多誤解，
一句說話，表達得唔好，好容易就會演變成爭執，
甚至令人對其他人存在著難以化解的偏見...
我覺得化解誤解o既最好方法係了解清楚呢個人，
從多方面去明白佢，咁睇野先夠客觀全面。
正如聖經都有好多好多令人爭拗o既地方，
但到底你會選擇『相信呢ｄ值得爭拗o既地方』，
定係『清楚了解事實o既真相先再作判斷』呢？
作為基督徒，我相信我對聖經都有『偏見』(當然係『偏幫』啦 :p)
我唔係要迫你信(亦唔可以迫到你信 :p)，
只係，當大家做決定前，最好都係徹底了解事情會較好 ^v^
耶穌說：『你們所以錯了，豈不是因為不明白聖經，不曉得 神的大能麼。』
(馬可福音 12:24)
Jesus replied, "Are you not in error
because you do not know the Scriptures or the power of God?
(Mark 12:24)
要接受自己錯，總是一件難事，
但能接受自己錯，卻代表著你已經成長了 ^v^
基督徒也要不斷看聖經，因為我們也不可以盲目說相信，
也要反思自己的決定呀！
19-6-2005(Sun)
今日父親節，同阿恒屋企人食飯 ^v^
仲有，哈哈哈，協助阿恒『業務』:p
20-6-2005(Mon)
考試o既日子，原來一ｄ都唔空閒，繼整 listening tape，仲有極速改卷，仲有出成績表評語，仲有 admin. 野，Oh....
不過最近真係好開心，因為可以好 free 咁同同工食 lunch，學生十二點放學，我地十二點零食飯，食到二點幾，可以食足兩個鐘，輕輕鬆鬆傾下計 ^v^ 再返學校改卷做野，真係幾開心！
休息，令人開心；有時間去工作，亦令人開心；煩惱，原來唔係因為工作，而係因為無時間完成工作 :p
各位親愛o既朋友仔/朋友女 ^v^
小學ｄ老師鍾意比我地作『假如我是...』
我記得細個作過『假如我是一片雲』，
我會環遊世界...我會變成不同形狀...我會帶來晴朗的天氣...
如果老師任我作『假如我是...』，
我諗，我一定唔會作『假如我是哥斯拉』、『假如我是壞人』，
可以比我揀的話，我一定會假想自己係好人 ^v^
我諗你都係一樣 ^v^
不過，如果今日比你作『假如我是耶穌』，你又會點呢？
假如我是耶穌，我唔會咁蠢揀做木匠個仔∼
我會揀做皇帝，至少揀做唐太宗咁風光咁威！
假如我是耶穌，我唔會揀咁辛苦講道，又要比ｄ法利賽人蝦，
我會顯神蹟，懲治ｄ壞人，起死回生，等ｄ人當我神咁拜！
假如我是耶穌，我唔會揀釘死o既十字架咁辛苦，
若果真係要死，我會揀一刀比劍殺死，唔駛咁辛苦...
假如我是耶穌，我唔會揀來到世上為人o既罪捨命，
我會求其饒恕左ｄ人o既罪就算！
一係，我會揀由得佢地死，反正，係人自己揀o既，不能怨我！
幸好，我不是耶穌...
睇左我咁『恐佈』o既選擇，又睇下耶穌o既選擇丫 ^v^
http://hk.geocities.com/hodgesko01/chinesehymn179.html
《誰能及您》
無聲無息來到世上，寧願放棄天國的一切，
誰知耶穌來到世上，全是為了眾罪過犧牲！
不怕艱難在俗世中顯出真愛，更在架上全顯他的愛，
駕著彩雲直達上天為我祈求，引導我願意帶領我走！
若昨天失去你，人生乏味，寧漠視主真理，
祈望你會在此刻寬恕我當天不羈！
願這刻緊靠你，全心預備，榮耀頌讚歸你，
誰能及你救贖我甘在各各他掛死？
誰能及你愛著我不捨棄？
我不能明白耶穌為何選擇一條這麼艱辛的路去救贖我們，
祂大可說：『我赫免你們』and that's！
祂降世為人想給我們什麼訊息？
我想，可以給你一點空間，與主相討一下這條問題了 ^v^
21-6-2005(Tue)
今日考我出果份 listening 卷，有ｄ緊張，不過係一個幾攪笑o既嘗試 :p
或者因為我仲未覺得自己似老師掛 :p
22-6-2005(Wed)
今日 special leave，不過一ｄ都唔 free，因為今晚 city 測驗，今日要努力溫書。
各位親愛o既朋友仔/朋友女 ^v^
上次講到安息日o既話題，我話過會再講下『信徒係咪可以唔駛守安息日』、『基督與安息日』同埋『應該點樣紀念安息聖日』架嘛，唔知大家仲記唔記得呢？ ^v^
《基督徒與安息日》
路人甲話：『安息日是賜給猶太人的，與基督徒無關。』
其實， 神所以將安息日再指示猶太人，是因為他們是選民， 神要藉他們傳達祂的旨意。主耶穌說：「安息日是為人設立的。」（可二27）。所以在第六日 神造人之後就設立了安息日。「為人」豈只指著猶太人麼？況且設立當初並沒有猶太人，也沒有其他種族之別。 神設立安息日的目的之一，是要人記念祂創造之工。 神豈猶為猶太人之神，外邦人豈可不必記念造他的主呢？
路人乙話：『基督徒既靠恩得救，就無須守誡命。』
其實，得救不是靠著守律法，乃是憑著主的血，藉著人的信，這是絕對的。但在恩典之下的人，並不能因信可以廢去律法，或隨便去犯罪，保羅說是更要堅固律法。律法上的規條主已藉十字架把他撤去了，所以我們不需再守。但是並不是說十誡也可以隨意去犯，乃是要靠著聖靈，守得比在律法之下的人更為完全。基督徒守安息日，並不是像以色列人律法之下，抱著恐怖，甚覺束縛。乃是如在伊甸園裏，沒有驚慌，以歡樂的心情去享受主的恩賜。
《當怎樣記念安息聖日》
1. 放下俗事：「當在安息日掉轉你的腳步，在我聖日不以操作為喜樂，稱安息日為可喜樂的，稱耶和華的聖日為可尊重的，而且尊敬這日，不辦自己的私事，不隨自己的私意，不說自己的私話。」（賽五十八13）。
2. 參加聖會：「六日要做工，第七日是聖安息日，當有聖會。」（利廿三3）。「耶穌在安息日，照祂平常的規矩，進了會堂，站起來要念聖經。」（路四16）。「到下安息日，合城的人，幾乎都來聚集，要聽神的道。」（徒十三44）。
3. 傳道行善：「到了迦百農，耶穌就在安息日進了會堂教訓人。」（可一21）。「當安息日，我們出城門，到了河邊，知道那裏有一個禱告的地方，我們就坐下對那聚會的婦女講道。」（徒十六13）。「主說，在安息日作善事是可以的。」（太十二11、12；可三4∼5）。
關於紀念安息日的時間問題，據聖經的算法是：「晚上至晚上」，即今之星期五晚上至星期六晚上。關於我們橫過「國際日線」一事，似乎使守安息日的問題陷入困難。但我們均根據當地人日曆的算法，在第七日按該地的時間遵守即可。
寫左兩篇關於安息日o既識多ｄ，心裡有一種感受，覺得我們總像那些法利賽人，不停地為不重要的事在爭辯，自以為自己的觀點一定是對的。但其實，主豈是一位一成不變、固執死板的主？硬要把安息日從『人』的角度去解釋，倒不如順服、專心、單一地敬拜主。我想， 神渴望我們交上的，是一顆單純的信心與敬虔而已。
23-6-2005(Thur)
今日知道婉玲將會結婚！
仁愛團今年真係喜事重重呀下！
等佢七月由澳洲返黎先問下佢幾時結婚先∼∼
24-6-2005(Fri)
無乜特別，都係返學，食飯，放學，再返學，再放學，返屋企，已經十點半。
25-6-2005(Sat)
今日團契無聚會，所以可以同阿恒玩足一日，去左九龍塘樂融雅敍食 lunch，見到好特別o既綠色蝴蝶 ^v^
之後去左 page one 睇書，又去左遊烏溪沙線遊車河，再去 poly 附近食雪糕，玩到夜晚，好開心 ^v^
各位親愛o既朋友仔/朋友女 ^v^
唔知大家有冇用過 Crest 果隻綠茶味牙膏呢？
因為有 free sample o既關係，我屋企有幾枝綠茶味牙膏，
初初第一次用，我全家人都形容呢枝牙膏為：
『有生之來都未試過ｄ味咁怪，用完會想嘔』o既牙膏∼
但因為未用完，無理由丟左佢咁浪費架！
結果，依家已經用到第三枝細 sample 仔啦！
用用下，已經習慣左枝牙膏o既味道∼∼
漸漸覺得佢同普通牙膏無乜分別...
到底呢篇有金執係咪叫大家唔好買 Crest 隻綠茶味牙膏呢？
咁怪味o既牙膏，其實，令我聯想到『罪』...
初時會覺得某種罪(如：妒忌、貪念、唾罵)好差好難接受，
如果我地唔立即逃開，慢慢地，我地o既『包容度』就會提高，
久而久之，我地會『接受』左呢樣野，
因為『習以為常』，我地甚至會『做埋』呢樣野添！
所以，聖經裡面對『罪』o既標準係好『特別』架 ^v^
例如，平常人認為『殺人有罪』，聖經卻要我地連『動怒』也不可...
你們聽見有吩咐古人的話，說『不可殺人』，又說，『凡殺人的，難免受審判。』
只是我告訴你們，凡向弟兄動怒的，難免受審判。
凡罵弟兄是拉加的，難免公會的審斷。凡罵弟兄是魔利的，難免地獄的火。
(馬太福音 5:21-22)
You have knowledge that it was said in old times,
You may not put to death; and,
Whoever puts to death will be in danger of being judged:
But I say to you that everyone who is angry with
his brother will be in danger of being judged;
and he who says to his brother, Raca,
will be in danger from the Sanhedrin;
and whoever says, You foolish one, will be in danger of the hell of fire.
(Matthew 5:21-22)
Never say Never，
我一直都以為自己唔會接受呢隻綠茶味牙膏，
結果，我每日都用緊佢...
連牙膏咁簡單o既野我都無力控制自己唔接受佢，
更何況，係魔鬼o既引誘呢 ^v^
26-6-2005(Sun)
今日同阿恒做司事，因為o係門口派聚會表，好熱∼∼
哈哈哈，今日阿恒遇到個婆婆話佢孫女o係上面聚會，唔知呢度係咩地方，阿恒話係教會，婆婆話，有人守門口，應該唔係一個壞地方 :p
司事 = 守門口 :p 是旦啦，阿婆點知乜野係司事喎 :p
唔知我有冇同大家提過想攪連南團？
之前邀請海華(連南學生)幫我 plan，今日同佢半 confirm 左行程，咁，即係我要努力啦！
27-6-2005(Mon)
今日比左ｄ資料校長睇，佢批我o既連南之旅，咁，係時間著手攪啦！
唔知自己成唔成功，但，至少要試一試.....
今晚團契同恩立慶祝生日，hehe，其實團契o既感覺都幾似家人架∼∼
不過另一方面，都似同家人咁未必會傾心事 :p
anyway，咁多年，一星期見兩次，自然有一種親切感o既 ^v^
各位親愛o既朋友仔/朋友女 ^v^
雖然我無乜文學氣質，但唔講大家可能唔知，
我中學o既時候其實係讀中國文學架 ^v^
雖然未必懂得深入欣賞詩詞之美，
但每當描述到美麗o既景致時，
總不免令人讚嘆詩人的想像力與浪漫情懷。
不過，若無美景，恐怕詩人的才情實難以發揮！
喜歡天空，喜歡看海，喜歡大自然的奇妙！
對於我這種美術零蛋的人來說，
能構思出『大自然』諸般美景的，一定是世上最偉大的藝術家。
http://hk.geocities.com/hodgesko01/chinesehymn55.html
《無聲頌》
星際在轉，白雲飛舞，沉默裡散播天空的嬌美。
月吐光，是神創，讓每顆星念記神美善。
小蟹在笑，浪濤雕琢，容讓我察看深海的寶庫。
肉蚌珍珠，是神創，每日汐潮藏著智慧的心思。
副歌：
無語、無響、無聲音可聽，日夜在傳送我主的奇工。
神啊我屈膝在你面前來頌讚，歡只呼驚嘆萬有的一切！
無語、無響、無聲音可聽，日夜在傳送我主的奇工。
神啊我屈膝在你面前來立志，一生歌唱著你的愛！
28-6-2005(Tue)
公民教育組會資助連南之旅！^v^ 學生只需比 $150-$200∼∼
不過，我真係好擔心自己做得好唔好.....雖然我知唔係得我一個人做，但始終我叫做 in charge 果個.....
hehe，下晝同鄧恩賜 + Joyce + Winnie 食飯，講開『好男人』+ 『男女相處之道』，哈哈哈，其實我都幾叻叻丫 :p
我覺得，唔係因為我叻，而係因為我好彩，有人咁錫我，對我咁好，咁我先可以算係一個『成功o既女朋友』:p
29-6-2005(Wed)
為連南之旅努力，但同時好有壓力，始終係第一次攪，攪得好唔好會影響之後有冇機會再攪....
Dear All,
識多d o係五月份分享過，聖經原本是由六十六本書合起來的，
我們稱它為六十六卷書，全部聖經約用了1500年才完成。
而大家有冇留意英語版聖經有分 LB , GNB , NIV , NKJV etc ... 版本呢 ?
唔知係乜 ? 不如我地依家就睇o下佢地o既歷史啦 !
新英文聖經的修訂本修正版英文聖經(Revised English Bible)於一九八九年出版。
七○年代以後，美國流行聖經現代英文譯本，除新耶路薩冷聖經(New Jerusalem Bible)、
新修正標準版聖經(New Revised Standard Version)、新美國標準版聖經(New American Standard Version)外，其它主要的譯本還包括有：
1. The Living Bible (LB, 1971)
LB於一九七一年出版，由泰勒博士(Dr. Kenneth N. Taylor)翻譯，不到四年光景就印行18,700,000冊。
它自稱是意譯的版本，這可從標題看出: Living Bible:
Pararaphrased. 生活聖經譯本的目的是直指聖書作者之意。
在序言中指出，如果能幫助讀者理解聖經，追隨上帝，那本譯本目的已達成。
2. Good News Bible (GNB, 1976, 1994)
福音版聖經(GNB)力求忠於原著，譯者以流利的現代口語譯出聖經，而且它有導讀、大綱、插圖，能讓讀者易讀，易理解。
它依據的版本是紀陀(R. Kittel)所編第三版之希伯來文聖經(Biblia
Hebraica, 1937)，
新約聖經則根據聯合聖經學會 (UBS)出版之第三版希臘文新約聖經(The Greek New Testament, 1976)譯出。
雖然GNB易讀易記，它卻有意譯(paraphrase)之嫌。譯文雖然流暢，但無文學之美。
3. New International Version (NIV, 1978)
新國際版聖經(New International Version, 1978)是現代版英文聖經中的佼佼者。
不論譯文的準確度(accuracy)、現代英文的美感(beauty)以及譯文的清晰度(clearity)等，新國際版聖經都有水準以上的演出。
正如佛斯特(Lewis Foster)認為新國際版聖經的譯文如同在提摩太前書第三章十六節所揭櫫的訊息一樣：
「整部聖經皆流露上帝的氣息」([A]ll Scripture is God-breathed)(69)。
新國際版聖經是一本直接從希伯來文、阿拉美文及希臘文所翻譯出來的全新譯本。
翻譯的計劃則濫殤於一九六五年，由基督教改革教會(Christian Reformed Church)與
全國福音派協會(National Association of Evanelicals)組成委員會通過此翻譯計劃，
共有百餘位聖經專家學者參與此翻譯工作。新國際版聖經的翻譯工作是嚴謹的，
每個翻譯小組譯完所指定的章節之後交給一般編輯委員會討論(General Editorial Committee)，
然後在送到聖經翻譯委員會(Committee of Bible Translation)審閱；也就是說，
每篇聖經譯文都要經過三道嚴謹的品管過程才能付梓，因此，本譯文可信度相當高。
4. New King James Version, (NKJV, 1982)
誠如在序言中所說，新詹姆斯王版聖經出版的目的不在重譯聖經，而是「讓好的版本更好」(“make a good one better”)。
新詹姆斯王版再的舊約聖經主要是依據三種版本：
一、紀陀(R. Kittel)所編之希伯來文聖經(Biblia Hebraica)；
二、希臘文七十子譯本(The Septuagint (Greek) Version of the Old Testament)；
三、拉丁文通俗版聖經(Latin Vulgate)。至於新約聖經，它是依據希臘文的 Textus Receptus (Received Text)，
目的在於維繫Tyndale-AV(KJV)-NKJV一脈相傳的聖經傳統。
由於本版聖經出版目的是要讓好的版本更好，它作了下列的修正:
它將KJV中的代名詞，如thee, thine, thou, ye等古字改為 you, your等；
原來的舊式動詞，如Doeth, doest, dost, hath, hast改為 do, does, have, has等，以符合現代人口味。
另外，NKJV中詩行的編排方式更具現代詩的視覺效果。但是有些辭彙，如 behold、Lord、God及一些強調的斜體字則保留。
5. The Amplified Bible (1987)
擴大版聖經(The Amplified Bible, 1965)主要是由席荋忒(Frances
Siewert)女士立下本譯本的基楚，
因為她群窮畢生精力研究聖經的文化及考古工作。
擴大版聖經是由十二人組成的委員會根據希伯來文聖經及魏斯柯(Westcott)與霍特(Hort) 所編的希臘文新約聖經譯成 (Bruce 183)。
所謂擴大(amplified)意指整合一些能幫助理解聖經中意義不明確的辭彙並將之納入括弧，置於其後。
咁日後大家除左可以睇合和本聖經之外，又有多d選擇啦 !
30-6-2005(Thur)
太多野做啦....
nearly 崩潰.....連南之旅本有 16 個 Form 1 學生話去，結果今日變左 6 個....點夠人去？
Form 2 ｄ書追左兩個月都追唔到，好想發脾氣....
仲要尋日帶左班 Form 1 去 English Corner，佢地原來玩擲公仔，攪到有個學生不停流眼水 + 眼紅返唔到學，訓導組老師搵我跟進.....雖然佢無鬧我，但太多壓力，我撐唔住啦.....
到底係咪多做多錯，少做少錯，唔做唔錯呢？